ಹೈದರಾಬಾದ್: ಎರಡೇ ನಿಮಿಷದಲ್ಲಿ ಐಪಿಎಲ್ ಫೈನಲ್ ಟಿಕೆಟ್ ಸೋಲ್ಡ್ ಔಟ್

•   Wed, May 08 2019 09:08:44 PM



• ಹೈದರಾಬಾದ್, ಮೇ 08(Daijiworld News/SM): ಹನ್ನೆರಡನೇ ಆವೃತ್ತಿಯ ಐಪಿಎಲ್ ಪಂದ್ಯಗಳು ಈಗಾಗಲೇ ನಡೆದು ಅಂತಿಮ ಘಟ್ಟಕ್ಕೆ ಬಂದು ತಲುಪಿದೆ. ಹನ್ನೊಂದು ಆವೃತ್ತಿಗಳಲ್ಲಿ ಹಾಗೂ ಇಲ್ಲಿಯ ತನಕ ಹಲವು ಪಂದ್ಯಗಳನ್ನು ವೀಕ್ಷಿಸಿದ ಕ್ರಿಕೆಟ್ ಪ್ರೇಮಿಗಳ ಉತ್ಸಾಹ ಮಾತ್ರ ಇನ್ನೂ ಕೂಡ ಕಡಿಮೆಯಾಗಿಲ್ಲ.

  

  ೧೨ನೇ ಆವೃತ್ತಿಯ ಐಪಿಎಲ್ ಪಂದ್ಯಗಳ ಫೈನಲ್ ಪಂದ್ಯ ಹೈದರಾಬಾದ್ ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಈ ಪಂದ್ಯಕ್ಕಾಗಿ ಇಗಾಗಲೇ ಅಭಿಮಾನಿಗಳು ಮುಗಿಬಿದ್ದಿದ್ದು, ಫೈನಲ್ ಪಂದ್ಯದ ಟಿಕೆಟ್ ಸೋಲ್ಡ್ ಔಟ್ ಆಗಿವೆ. ಕೇವಲ ಎರಡೇ ನಿಮಿಷಗಳಲ್ಲಿ ಪಂದ್ಯದ ಎಲ್ಲಾ ಟಿಕೆಟ್ ಗಳು ಅಭಿಮಾನಿಗಳು ಖರೀದಿಸಿದ್ದಾರೆ.

  ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಷನ್​​​ ಫೈನಲ್ ಪಂದ್ಯದ ಟಿಕೆಟ್ ಮಾರಾಟವನ್ನು ಖಾಸಗಿ ಸಂಸ್ಥೆಗೆ ನೀಡಿತ್ತು. ಯಾವುದೇ ಪೂರ್ವಭಾವಿ ಘೋಷಣೆಗಳಿಲ್ಲದೆ ಖಾಸಗಿ ಸಂಸ್ಥೆ ಟಿಕೆಟ್ ಮಾರಾಟ ಮಾಡಿದೆ. ಮಂಗಳವಾರ ಮಧ್ಯಾಹ್ನ ಎರಡು ಗಂಟೆ ವೇಳೆ ಟಿಕೆಟ್ ಆನ್​ಲೈನ್​ನಲ್ಲಿ ಲಭ್ಯವಾಗಿತ್ತು.

  ಕ್ರಿಕೆಟ್ ಪ್ರಿಯರು ಮುಗಿಬಿದ್ದು ಖರೀದಿಗಿಳಿದ ಪರಿಣಾಮ ಎರಡು ನಿಮಿಷ ಅಂದಾಜಿನಲ್ಲಿ ಸೋಲ್ಡ್​​ ಔಟ್ ಆಗಿದೆ.