ಹೈದರಾಬಾದ್: 12ನೇ ಆವೃತ್ತಿಯ ಐಪಿಎಲ್ ನ ಫೈನಲ್ ಪಂದ್ಯ, ಹಾಲಿ-ಮಾಜಿ ಚಾಂಪಿಯನ್ಸ್ ನಡುವೆ ಹಣಾಹಣಿಗೆ ಕ್ಷಣಗಣನೆ

•   Sun, May 12 2019 06:15:02 PM



• ಹೈದರಾಬಾದ್, ಮೇ 12 (Daijiworld News/SM): 12ನೇ ಆವೃತ್ತಿಯ ಚುಟುಕು ಕ್ರಿಕೆಟ್ ಸಮರ ಐಪಿಎಲ್ ಗೆ ಮೇ 12ರ ರವಿವಾರ ತೆರೆ ಬೀಳಲಿದೆ. ಎರಡು ಪ್ರಮುಖ ತಂಡಗಳು ಫೈನಲ್ ನಲ್ಲಿ ಮುಖಾಮುಖಿಯಾಗಲಿವೆ.

  

  ಹೈದರಾಬಾದ್‌ನ ರಾಜೀವ್‌ ಗಾಂಧಿ ಇಂಟರ್‌ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುವ ಫೈನಲ್‌ ಪಂದ್ಯದಲ್ಲಿ ಮಾಜಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಮತ್ತು ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್‌ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಲಿವೆ.

  ಎಂಐ ಹಾಗೂ ಸಿಎಸ್‌ಕೆ ಕಾದಾಟವನ್ನು ಐಪಿಎಲ್ ನಲ್ಲಿನ 'ಎಲ್ ಕ್ಲಾಸಿಕೋ' ಅನ್ನೋದಿದೆ. ಎರಡೂ ತಂಡಗಳು ಐಪಿಎಲ್‌ನಲ್ಲಿ ತಲಾ 3 ಸಾರಿ ಟ್ರೋಫಿ ಜಯಿಸಿರುವುದೋ ಇದಕ್ಕೆ ಕಾರಣ. ಈ ಹಿನ್ನೆಲೆಯಲ್ಲಿ ಇಂದಿನ ಪಂದ್ಯ ಸಾಕಷ್ಟು ಕುತೂಹಲ ಕೆರಳಿಸಿದೆ.

  ಅಂಕಿ ಅಂಶಗಳ ಪ್ರಕಾರ ಮುಂಬೈ ಇಂಡಿಯನ್ಸ್ ಮೇಲುಗೈ ಸಾಧಿಸುವ ನಿರೀಕ್ಷೆಯಿದೆ. ಆದರೆ ಹಾಲಿ ಚಾಂಪಿಯನ್ ಚೆನ್ನೈ 4ನೇ ಬಾರಿಗೆ ಟ್ರೋಫಿ ಜಯಿಸಿದರೂ ಅಚ್ಚರಿಯಿಲ್ಲ. ಎರಡೂ ತಂಡಗಳು ಬಲಿಷ್ಠವಾಗಿದ್ದು, ಯಾವ ಸಂದರ್ಭದಲ್ಲೂ ಪಂದ್ಯದ ಗತಿಯನ್ನು ಬದಲಿಸಬಲ್ಲ ಅನುಭವಿ ಆಟಗಾರರು ಉಭಯ ತಂಡಗಳಲ್ಲಿದ್ದಾರೆ. ಆದರೆ, 12ನೇ ಆವೃತ್ತಿಯಲ್ಲಿನ ಚಾಂಪಿಯನ್ ಗೆದ್ದು, ಯಾರು ನಾಲ್ಕನೇ ಬಾರಿ ಟ್ರೋಫಿ ಜಯಿಸಿದ ಸಾಧನೆ ಮಾಡುತ್ತಾರೆ ಎನ್ನುವುದು ಕುತೂಹಲ.