ಹೈದರಾಬಾದ್: ಅಂತಿಮ ಹಂತದ ರೋಹಿತ್ ನಿರ್ಧಾರ; ಮುಂಬೈ ಪಾಲಾಯಿತು ಟ್ರೋಫಿ

•   Mon, May 13 2019 09:32:18 PM



• ಹೈದರಾಬಾದ್, ಮೇ 13 (Daijiworld News/SM): 12ನೇ ಆವೃತ್ತಿಯ ಐಪಿಎಲ್ ನಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಈಗಾಗಲೇ ಗೆದ್ದು ಬೀಗಿದೆ. ಕೊನೆಯ ಒಂದು ಎಸೆತದಲ್ಲಿ ಗೆಲುವಿಗೆ ಎರಡು ರನ್​ಗಳ ಅವಶ್ಯಕತೆ ಚೆನ್ನೈ ತಂಡಕ್ಕಿತ್ತು. ಆದರೆ, ಮುಂಬೈ ತಂಡದ ಅಂತಿಮ ಗಳಿಗೆಯ ನಿರ್ಧಾರ ಅವರಿಗೆ ಗೆಲುವು ತಂದುಕೊಟ್ಟಿದೆ.

  

  ಮಾಲಿಂಗ ಎಸೆದ ಚೆಂಡು ಶಾರ್ದೂಲ್ ಠಾಕೂರ್​ನನ್ನು ಬಲಿ ಪಡೆಯಿತು. ಈ ಹಿನ್ನೆಲೆ ಅಂತಿಮ ಎಸೆತ ಸಾಕಷ್ಟು ಕುತೂಹಲಕ್ಕೆ ಕಾರಣವಾಗಿತ್ತು ಎನ್ನುವುದು ಎಲ್ಲರಿಗೂ ತಿಳಿದಿರುವ ಸತ್ಯ. ಆದರೆ, ಅದಕ್ಕೂ ಮುನ್ನ ರೋಹಿತ್ ಕೈಗೊಂಡ ಆ ಒಂದು ನಿರ್ಧಾರದಿಂದಾಗಿ ಮುಂಬೈ ತಂದೆ ಗೆಲುವು ಸಾಧಿಸಿತು.

  ಶಾರ್ದೂಲ್​ ಉತ್ತಮ ಆಟಗಾರ ಎನ್ನುವುದು ತಿಳಿದಿತ್ತು. ಬ್ಯಾಟ್ಸ್​ಮನ್ ಮೈದಾನದ ಯಾವ ಭಾಗಕ್ಕೆ ಹೊಡೆಯಬಲ್ಲರು ಎನ್ನುವುದು ಅಂದಾಜಿಸಿದೆವು. ನಾನು ಹಾಗೂ ಮಾಲಿಂಗ ನಿಧಾನವಾದ ಎಸೆತದ ನಿರ್ಧಾರಕ್ಕೆ ಬಂದೆವು. ಈ ಮೂಲಕ ಸ್ಟ್ರೈಕ್​ನಲ್ಲಿದ್ದ ಶಾರ್ದೂಲ್​ರನ್ನು ಔಟ್ ಮಾಡುವುದು ನಮ್ಮ ಗುರಿಯಾಗಿತ್ತು" ಎಂದು ಕೊನೆ ಎಸೆತದ ಹಿಂದಿನ ಕ್ಷಣದ ಬಗ್ಗೆ ರೋಹಿತ್ ಸಂತಸ ವ್ಯಕ್ತಪಡಿಸಿದ್ದಾರೆ.

  ರೋಹಿತ್ ಶರ್ಮಾರ ನಿರ್ಧಾರ ಫಲಿಸಿದ್ದು, ತಂಡ ಐಪಿಎಲ್ ಟ್ರೋಫಿ ಗೆಲ್ಲುವಲ್ಲಿ ಯಶಸ್ವಿ ಸಾಧಿಸಿತು.