ಕಪಿಲ್ ದೇವ್ ದಾಖಲೆ ಅಳಿಸಿ ಹಾಕಿದ ಪಾಕ್ ಯುವ ಆಟಗಾರ

•   Wed, May 15 2019 09:28:39 PM



• ಬ್ರಿಸ್ಟೋಲ್​, ಮೇ 15 (Daijiworld News/SM): ಪಾಕಿಸ್ತಾನ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿದ ಪರಿಣಾಮ ಇಂಗ್ನೆಂಡ್ ತಂಡ ಗೆಲುವಿನ ನಗೆ ಚೆಲ್ಲಿದೆ. ಆ ಮೂಲಕ ಸರಣಿಯಲ್ಲಿ 3-0 ಅಂತರದ ಮುನ್ನಡೆ ಕಾಯ್ದುಕೊಂಡಿದೆ.

  

  ಇನ್ನು ಈ ಪಂದ್ಯದಲ್ಲಿ ಪಾಕಿಸ್ತಾನದ ಆರಂಭಿಕ ಆಟಗಾರ ಇಮಾಮ್​ ಉಲ್​ ಹಕ್​ ಭರ್ಜರಿ ಶತಕ ಸಿಡಿಸಿ ಮಿಂಚಿದ್ದಾರೆ. ಅಲ್ಲದೆ, ಸುಮಾರು 36 ವರ್ಷಗಳ ಹಿಂದೆ ಟೀಂ ಇಂಡಿಯಾದ ಮಾಜಿ ನಾಯಕ ಕಪಿಲ್​ ದೇವ್ ಬರೆದಿದ್ದ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ.

  1983ರಲ್ಲಿ ನಡೆದ ವಿಶ್ವಕಪ್​​ ಪಂದ್ಯವೊಂದರಲ್ಲಿ ಜಿಂಬಾಬ್ವೆ ವಿರುದ್ದ ಕಪಿಲ್​ ದೇವ್​ ಬರೋಬ್ಬರಿ 175 ರನ್​ ಸಿಡಿಸಿದ್ದರು. ಅಲ್ಲದೆ ತಮ್ಮ 24ನೇ ವಯಸ್ಸಿನಲ್ಲಿ 150ರನ್​ ಸಿಡಿಸಿ ಕಿರಿಯ ವಯಸ್ಸಿನಲ್ಲಿ 150 ಸಿಡಿಸಿದ ದಾಖಲೆ ಬರೆದಿದ್ದರು.

  ಆದರೆ ಇದೀಗ ಕೇವಲ 23 ವರ್ಷದ ಪಾಕ್​ ಆಟಗಾರ ಇಮಾಮ್​ ಉಲ್​ 150ರನ್​ ಸಿಡಿಸಿ ಕಪಿಲ್​ ದಾಖಲೆ ಅಳಿಸಿ ಹಾಕಿದ್ದು, ಹೊಸ ದಾಖಲೆ ನಿರ್ಮಿಸಿದ್ದಾರೆ.