ಲಾಹೋರ್: ವಿಶ್ವಕಪ್ ಗೆಲ್ಲೋಕೆ ತಂಡದಲ್ಲಿ ಬದಲಾವಣೆ ಮಾಡಿದ ಪಾಕಿಸ್ತಾನ

•   Mon, May 20 2019 09:25:13 PM



• ಲಾಹೋರ್, ಮೇ 20 (Daijiworld News/SM): ಈ ತಿಂಗಳಾಂತ್ಯಕ್ಕೆ ಆರಂಭಗೊಳ್ಳಲಿರುವ ಐಸಿಸಿ ಏಕದಿನ ವಿಶ್ವಕಪ್​​ ನಲ್ಲಿ ಪ್ರಶಸ್ತಿ ಗೆಲ್ಲಲು ಪಾಕಿಸ್ತಾನ ತಂಡ ಇನ್ನಿಲ್ಲದ ಕಸರತ್ತು ನಡೆಸುತ್ತಿದೆ. ಈ ಹಿನ್ನೆಲೆಯಲ್ಲಿ ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​ ಮಹತ್ವದ ಬದಲಾವಣೆ ಮಾಡಿ ತಂಡ ಪ್ರಕಟಗೊಳಿಸಿದೆ. ಈ ಹಿಂದೆ ಆಯ್ಕೆ ಮಾಡಿದ್ದ ತಂಡದಲ್ಲಿ ಹಲವು ಹೊಸ ಮುಖಗಳಿಗೆ ಅವಕಾಶ ಕಲ್ಪಿಸಲಾಗಿದೆ.

  

  ಇತ್ತೀಚೆಗೆ ನಡೆದ ಇಂಗ್ಲೆಂಡ್​ ವಿರುದ್ಧ ಏಕದಿನ ಸರಣಿಯಲ್ಲಿ ಹೀನಾಯ ಸೋಲನುಭವಿಸಿರುವ ಪಾಕ್ ತಂಡ ವರ್ಲ್ಡ್ ಕಪ್ ಪಂದ್ಯಗಳಲ್ಲಿ ಗೆದ್ದು ಸೇಡು ತೀರಿಸಿಕೊಳ್ಳಬೇಕೆಂಬ ನಿರ್ಣಯ ಕೈಗೊಂಡಿದೆ. ಹೊಸದಾಗಿ ತಂಡದಲ್ಲಿ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​ಮನ್​ ಆಶಿಫ್​ ಅಲಿ, ವೇಗದ ಬೌಲರ್​ ಮೊಹಮ್ಮದ್​ ಅಮೀರ್​ ಹಾಗೂ ರಿಯಾಜ್​ಗೆ ಅವಕಾಶ ನೀಡಿದೆ.

  2011 ಹಾಗೂ 2015ರ ವಿಶ್ವಕಪ್​​ನಲ್ಲಿ ರಿಯಾಜ್​ ಪಾಕ್​ ಪರ ಅದ್ಭುತ ಪ್ರದರ್ಶನ ನೀಡಿದ್ದರು. ಆದರೆ ಈ ಹಿಂದೆ 15 ಸದಸ್ಯರ ತಂಡ ಪ್ರಕಟಗೊಳಿಸಿದ್ದ ಪಾಕ್​ ಕ್ರಿಕೆಟ್​ ಮಂಡಳಿ, ಮೊಹಮ್ಮದ್​ ಅಮೀರ್​​ ಅವರನ್ನು ತಂಡದಿಂದ ಕೈಬಿಟ್ಟಿತ್ತು. ಆದರೆ ಬೌಲಿಂಗ್​ ವಿಭಾಗದಲ್ಲಿ ಇತರ ಆಟಗಾರರಿಂದ ನಿರೀಕ್ಷೆಯ ಫಲಿತಾಂಶಾ ಸಿಗದ ಹಿನ್ನೆಲೆ ಅಮೀರ್ ಗೆ ಮತ್ತೆ ತಂಡದಲ್ಲಿ ಅವಕಾಶ ಕಲ್ಪಿಸಲಾಗಿದೆ.
  ಒಟ್ಟಿನಲ್ಲಿ ಈ ಬಾರಿಯ ವಿಶ್ವಕಪ್ ಮೇಲೆ ಪಾಕಿಸ್ತಾನ ಕಣ್ಣಿಟ್ಟಿದ್ದು, ಯಾವ ರೀತಿಯ ಪ್ರದರ್ಶನ ನೀಡಲಿದೆ ಅನ್ನೋದೇ ಕುತೂಹಲ.