ಇಂಗ್ಲೆಂಡ್: ವಿಶ್ವ ಗೆಲ್ಲಲು ಆಂಗ್ಲರ ನಾಡಿಗೆ ಎಂಟ್ರಿಕೊಟ್ಟ ಕೊಹ್ಲಿ ಪಡೆ

•   Wed, May 22 2019 09:52:28 PM



• ಇಂಗ್ಲೆಂಡ್, ಮೇ 22 (Daijiworld News/SM): ಈ ತಿಂಗಳ ಅಂತ್ಯಕ್ಕೆ ವಿಶ್ವಕಪ್ ಹಬ್ಬ ಆರಂಭಗೊಳ್ಳಲಿದೆ. ವಿಶ್ವಕಪ್​ ಆಡಲು ಟೀಂ ಇಂಡಿಯಾ ಈಗಾಗಲೇ ಇಂಗ್ಲೆಂಡ್​ಗೆ ಪ್ರಯಾಣ ಬೆಳೆಸಿದ್ದು, ಆಂಗ್ಲರ ನಾಡಿಗೆ ಟೀಂ ಎಂಟ್ರಿಕೊಟ್ಟಿದೆ.

  

  ಜೂನ್​ 5ರಂದು ಟೀಂ ಇಂಡಿಯಾ ಮೊದಲ ಪಂದ್ಯವನ್ನಾಡಲಿದ್ದು, ದಕ್ಷಿಣ ಆಫ್ರಿಕಾದೊಂದಿಗೆ ಸೆಣಸಾಟ ನಡೆಯಲಿದೆ. ಇನ್ನು ಈ ನಡುವೆ ಟೀಂ ಇಂಡಿಯಾ ನಾಳೆಯಿಂದಲೇ ಕಠಿಣ ಅಭ್ಯಾಸ ನಡೆಯಲಿದ್ದು, ವಿದೇಶಿ ಅಂಗಳದಲ್ಲಿದ ಕೆಲವು ಪ್ರಮುಖಾಂಶಗಳನ್ನು ತಿಳಿದುಕೊಳ್ಳಲಿದ್ದಾರೆ.

  ಇನ್ನು ಟೀಂ ಇಂಡಿಯಾ ಅಭಿಯಾನ ಆರಂಭ ಮಾಡುವುದಕ್ಕೂ ಮುನ್ನ ಎರಡು ಅಭ್ಯಾಸ ಪಂದ್ಯಗಳನ್ನಾಡಲಿವೆ. ನ್ಯೂಜಿಲ್ಯಾಂಡ್​ ಹಾಗೂ ಬಾಂಗ್ಲಾದೇಶಗಳೊಂದಿಗೆ ಅಭ್ಯಾಸ ಪಂದ್ಯದಲ್ಲಿ ಭಾರತ ಸೆಣಸಾಟ ನಡೆಸಲಿದೆ.

  ಈಗಾಗಲೇ ಉತ್ತಮ ಫಾರ್ಮ್ ನಲ್ಲಿರುವ ಟೀಂ ಇಂಡಿಯಾ ಈ ಸಲದ ವಿಶ್ವಕಪ್ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡುವ ಸಾಧ್ಯತೆ ಇದೆ. ವಿರಾಟ್ ಕೊಹ್ಲಿ ನೇತೃತ್ವದಲ್ಲಿ ಭಾರತೀಯ ಸೇನೆ ಎಲ್ಲಾ ರೀತಿಯಲ್ಲೂ ಸಿದ್ದತೆ ನಡೆಸಿದ್ದು, ಸಾಕಷ್ಟು ನಿರೀಕ್ಷೆಗಳು ತಂಡದ ಮೇಲಿವೆ.