ಕಾಸರಗೋಡು: ಕಯ್ಯಾರ್ ಚರ್ಚ್ ಸಿ ಕೆ ವೈ ಎಂ ವತಿಯಿಂದ ಓಣಂ ಹಾಗೂ ಮೊಂತಿ ಫೆಸ್ಟ್ ಆಚರಣೆ

•   Mon, Sep 16 2024 08:48:15 AM



• ಕಾಸರಗೋಡು, ಸೆ.16(DaijiworldNews/AK): ಕಯ್ಯಾರ್ ಕ್ರಿಸ್ತರಾಜ ಇಗರ್ಜಿಯ ಕ್ರೈಸ್ಟ್ ಕಿಂಗ್ ಯೂತ್ ಮೂವ್ ಮೆಂಟ್ ( ಸಿ ಕೆ ವೈ ಎಂ ) ನೇತೃತ್ವದಲ್ಲಿ ಓಣಂ ಹಾಗೂ ಮೊಂತಿ ಫೆಸ್ಟ್ ನ್ನು ಆದಿತ್ಯವಾರ ಆಚರಿಸಲಾಯಿತು.

  ಬೆಳಿಗ್ಗೆ ಮಂಗಳೂರು ಸಿಒಡಿಪಿ ನಿರ್ದೇಶಕ ಫಾ.ವಿನ್ಸೆಂಟ್ ಡಿ ಸೋಜ ಬಲಿಪೂಜೆ ನೆರವೇರಿಸಿದರು. ಬಳಿಕ ಡೋನ್ ಬೋಸ್ಕೊ ಸಭಾಂಗಣದಲ್ಲಿ ನಡೆದ ಕಾರ್ಯಕ್ರಮವನ್ನು ಫಾ . ವಿನ್ಸೆಂಟ್ ಡಿ ಸೋಜ ಉದ್ಘಾಟಿಸಿದರು. ಕಯ್ಯಾರ್ ಕ್ರಿಸ್ತರಾಜ ಇಗರ್ಜಿಯ ಧರ್ಮಗುರು ಫಾ . ವಿಶಾಲ್ ಮೋನಿಸ್ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ನ್ಯಾಯವಾದಿ ಎಂ . ಎಸ್ ಥೋಮಸ್ ಡಿ ಸೋಜ , ಐ ಸಿ ವೈ ಎಂ ಕೇಂದ್ರೀಯ ಸಮಿತಿ ಸದಸ್ಯೆ ಜಸ್ಮಿತಾ ಮೊಂತೆರೋ ಉಪಸ್ಥಿತರಿದ್ದರು.

  ಕಯ್ಯಾರ್ ಇಗರ್ಜಿಯ ಪಾಲನಾ ಸಮಿತಿ ಉಪಾಧ್ಯಕ್ಷ ರೋಶನ್ ಡಿ ಸೋಜ , ಕಾರ್ಯದರ್ಶಿ ಝೀನಾ ಡಿ ಸೋಜ , ಸಿ ಕೆ ವೈ ಎಂ ಸಚೇತಕಿ ಸಿಸ್ಟರ್ ಜಾಸ್ಮಿನ್ , ಉಪ ಸಚೇತಕಿ ಪ್ರಿಯಾಂಕಾ ,ಸಿ ಕೆ ವೈ ಎಂ ಅಧ್ಯಕ್ಷೆ ಪ್ರೀಮಲ್ , ಕಾರ್ಯದರ್ಶಿ ಜೋಯಲ್ ಕಿಶನ್ ಮೊದಲಾದವರು ಉಪಸ್ಥಿತರಿದ್ದರು.

  ಕಾರ್ಯಕ್ರಮಧ ಅಂಗವಾಗಿ ತಿರುವಾದಿರಕ್ಕಳಿ , ವಿವಿಧ ಸ್ಪರ್ಧೆಗಳು ಹಾಗೂ ಓಣಂ ಸದ್ಯ ಏರ್ಪಡಿಸಲಾಗಿತ್ತು . ಮರಿಯೆಚೆ ಲೀಜನ್ ಹಾಗೂ ಪಾಲನಾ ಸಮಿತಿ ಹಾಗೂ ಚರ್ಚ್ ಸಂಘಟನೆಗಳು ಸಹಕರಿಸಿದವು .