ಚೀನಾ ವಿರುದ್ಧ ಸಿಡಿದೆದ್ದ ನೇಪಾಳಿಗರು

•   Tue, Nov 12 2019 01:32:33 PM



• ಬರ್ದಿಯಾ, ನ.12(Daijiworld News/SS): ಚೀನಾ ನೇಪಾಳದ ಭೂ ಪ್ರದೇಶಗಳನ್ನು ಆಕ್ರಮಿಸುತ್ತಿದ್ದು, ಇದರ ವಿರುದ್ಧ ನೇಪಾಳಿಗರು ಸಿಡಿದೆದ್ದಿದ್ದಾರೆ. ಮಾತ್ರವಲ್ಲ, ಚೀನಾ ಅಧ್ಯಕ್ಷ ಕ್ಷಿ ಜಿನ್​ ಪಿಂಗ್ ಪ್ರತಿಕೃತಿ ದಹಿಸಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  

  ಚೀನಾದ ವಿರುದ್ಧ ನೇಪಾಳದಲ್ಲಿ ಪ್ರತಿಭಟನೆಗಳು ಶುರುವಾಗಿದ್ದು, ಚೀನಾ ವಿರೋಧಿ ಪ್ಲಕಾರ್ಡ್​ಗಳು, ಬ್ಯಾನರ್'ಗಳನ್ನು ಹೊಂದಿದ್ದ ಪ್ರತಿಭಟನಾಕಾರರು ಚೀನಾ ವಿರೋಧಿ ಘೋಷಣೆಗಳು ಕೂಗಿದ್ದಾರೆ. ಈ ವೇಳೆ “ಗೋ ಬ್ಯಾಕ್​ ಚೀನಾ, ನಮ್ಮ ಭೂ ಭಾಗವನ್ನು ವಾಪಸ್​​ ನೀಡು” ಎಂದು ಪ್ರತಿಭಟಿಸಿದ್ದಾರೆ.

  ಕಳೆದ ಕೆಲ ದಿನಗಳ ಹಿಂದೆ ನೇಪಾಳದ ಸರ್ವೇ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ನೇಪಾಳದ 36 ಹೆಕ್ಟೇರ್​ ಭೂಮಿ ಚೀನಾ ವಶದಲ್ಲಿರುವುದು ಬಹಿರಂಗವಾಗಿದೆ. ಹುಮ್ಲಾ ಜಿಲ್ಲೆಯಲ್ಲಿ ಮತ್ತು ಕರ್ನಾಲಿ ಜಿಲ್ಲೆಯಲ್ಲಿ ಅತಿಕ್ರಮ ನಡೆದಿದೆ. ಸರ್ಕಾರದ ಮಾಹಿತಿಯ ಪ್ರಕಾರ, ನೇಪಾಳವು ಚೀನಾಕ್ಕೆ ಸಾವಿರಾರು ಹೆಕ್ಟೇರ್ ಭೂಮಿಯನ್ನು ಕಳೆದುಕೊಂಡಿದೆ ಎನ್ನಲಾಗುತ್ತಿದೆ.

  ಇದೀಗ, ನೇಪಾಳಿಗರಿಗೆ ಚೀನಾದ ಗುಟ್ಟು ಗೊತ್ತಾಗಿದ್ದು ಪ್ರತಿಭಟನೆ ತೀವ್ರಗೊಳಿಸಿದ್ದಾರೆ.