ಮದ್ಯ ಪ್ರಿಯರಿಗೆ ಬಂಪರ್ ಆಫರ್ - ಇನ್ಮುಂದೆ ಮನೆ ಬಾಗಿಲಿಗೆ ಬರುತ್ತೆ ಮದ್ಯ!

•   Mon, Oct 15 2018 11:20:45 AM



• ನಾಗ್ಪುರ, ಅ 15 (MSP): ಹೌದು ಇದು ಎಣ್ಣೆ ಪ್ರಿಯರಿಗೆ ಮತ್ತಷ್ಟು ಕಿಕ್​​ ಕೊಡುವಂತ ಸುದ್ದಿ. ಪಾನ ಪ್ರೀಯರಿಗೆ ಮನೆ ಬಾಗಿಲಿಗೆ ಮದ್ಯ ಬಂದ್ರೆ ಹೇಗಿರಬೇಡ ಹೇಳಿ. ಇಷ್ಟು ದಿನ ಪಿಜ್ಜಾ, ಬರ್ಗರ್​, ಬಿರಿಯಾನಿಯನ್ನ ಮನೆಯಲ್ಲೇ ಕುಳಿತು ಆರ್ಡರ್​ ಮಾಡಿ ತಿನ್ನುತ್ತಿದ್ದ ಎಣ್ಣೆ ಪ್ರೀಯರಿಗೆ ಇನ್ಮುಂದೆ ಮದ್ಯವೂ ಸಿಗಲಿದೆ. ಆದ್ರೆ ಈ ಯೋಜನೆ ಮಹಾರಾಷ್ಟ್ರ ರಾಜ್ಯಕ್ಕೆ ಮಾತ್ರ ಅನ್ವಯ.

  

  ಹೌದು ಭಾರತದಲ್ಲಿ ಇದೇ ಮೊದಲ ಬಾರಿಗೆ​ ಮಹಾರಾಷ್ಟ್ರ ಸರ್ಕಾರ ಇಂತಹದ್ದೊಂದು ಯೋಜನೆ ಜಾರಿಗೆ ಮುಂದಾಗಿದೆ. ಎಲ್ಲವೂ ಅಂದುಕೊಂಡಂತೆ ಅದರೆ ಈ- ಕಾಮರ್ಸ್ ವೆಬ್ ಸೈಟ್ ಗಳ ಮೂಲಕ ಅಕ್ಕಿ, ಬೇಳೆ, ತರಕಾರಿಗಳ ಜತೆಗೆ ಮದ್ಯವೂ ಸಿಗಲಿದೆ. ಈ ಬಗ್ಗೆ ಮಹಾರಾಷ್ಟ್ರ ಅಬಕಾರಿ ಸಚಿವ ಚಂದ್ರಶೇಖರ್​​ ಬಾವಂ​ಕುಲೆ ಈ ಬಗ್ಗೆ ಮಾಹಿತಿ ನೀಡಿದ್ದು ಡ್ರಂಕ್​​​ ​​ಎಂಡ್ ಡ್ರೈವಿಂಗ್​​ ಪ್ರಕರಣಗಳು ದಿನೇ ದಿನೇ ಹೆಚ್ಚಾಗುತ್ತಿದ್ದು, ಇದರಿಂದ ಅಪಘಾತಗಳು ಸಂಭವಿಸಿ ಸಾಕಷ್ಟು ಜನ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಮದ್ಯ ಸೇವನೆ ಮಾಡಿ ವಾಹನ ಚಾಲಾಯಿಸುವ​​​​ ಪ್ರಕರಣಗಳನು ನಿಯಂತಿಸಲು ಮದ್ಯವನ್ನ ಮನೆಗೇ ಡೆಲಿವರಿ ಮಾಡುವ ಯೋಜನೆಯನ್ನು ಜಾರಿಗೆ ತರಲು ಪ್ರಯತ್ನಿಸಲಾಗುತ್ತಿದೆ ಎಂದಿದ್ದಾರೆ.

  ಇದಲ್ಲದೆ ಈಗಾಗಲೇ ಇ- ಕಾಮರ್ಸ್ ಉದ್ದಿಮೆಯಲ್ಲಿರುವ ಕಂಪನಿಗಳು ಈ ವಲಯಕ್ಕೆ ಪ್ರವೇಶಿಸಲು ಅವಕಾಶ ಕಲ್ಪಿಸಿದಂತಾಗುತ್ತದೆ. ಗ್ರಾಹಕರು ಆನ್ ಲೈನ್ ಮೂಲಕ ಇತರ ಸಾಮಾಗ್ರಿ ಕೊಳ್ಳುವಂತೆ, ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಇ-ಕಾಮರ್ಸ್​​ ವೆಬ್​ಸೈಟ್​​ಗಳ ಮಾದರಿಯಲ್ಲೇ ಮದ್ಯವನ್ನು ಕೂಡಾ ಡೆಲಿವರಿ ಮಾಡಲಾಗುತ್ತದೆ ಎಂದು ಸಚಿವರು ತಿಳಿಸಿದ್ದಾರೆ. ಇನ್ನು ಆನ್​ಲೈನ್​​ ಮೂಲಕ ಮದ್ಯವನ್ನ ಖರೀದಿಸುವವರ ವಯಸ್ಸನ್ನು ಖಚಿತಪಡಿಸಿಕೊಳ್ಳುವ ದೃಷ್ಟಿಯಿಂದ ಗ್ರಾಹಕರ ಆಧಾರ್​ ನಂಬರ್​ ಸೇರಿದಂತೆ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳುವಂತೆ ಮಾರಾಟಗಾರರಿಗೆ ಸೂಚಿಸಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.