ಕಾಸರಗೋಡು: ಏಜೆಂಟರೆಂದು ನಂಬಿಸಿ ವಂಚನೆ, ಇಬ್ಬರನ್ನು ಬಂಧಿಸಿದ ಪೊಲೀಸರು

•   Mon, Oct 15 2018 07:42:49 PM



• ಕಾಸರಗೋಡು, ಅ 15(SM): ಆನ್ ಲೈನ್ ವ್ಯಾಪಾರದ ಏಜೆ೦ಟರೆಂದು ಹಲವರಿಂದ ಹಣ ಪಡೆದು ವಂಚನೆ ನಡೆಸಿದ ಇಬ್ಬರನ್ನು ಕಾಸರಗೋಡು ಪೊಲೀಸರು ಬಂಧಿಸಿದ್ದಾರೆ. ಬಂಧಿತರನ್ನು ಕೋಝಿಕ್ಕೋಡು ನ ಫಾರಿಸ್(21) ಮತ್ತು ಪಿ.ವಿ. ಆದರ್ಶ್(21) ಎಂದು ಗುರುತಿಸಲಾಗಿದೆ.

   

  ಆನ್ ಲೈನ್ ಮೂಲಕ ಇಲೆಕ್ಟ್ರಾನಿಕ್ಸ್ ಸಾಮಾಗ್ರಿಗಳ ಮಾರಾಟ ಮಾಡುವ ಏಜೆ೦ಟರ ಸೋಗಿನಲ್ಲಿ ಬಂದ ಇವರು ಹಲವಾರು ಮಂದಿಯಿಂದ ಲಕ್ಷಾಂತರ ರೂಪಾಯಿಯನ್ನು ಪಡೆದು ವಂಚಿಸಿರುವುದು ಬೆಳಕಿಗೆ ಬಂದಿದೆ.
  ಕಾಸರಗೋಡು ಅಲ್ಲದೆ ಮಂಗಳೂರು, ಕಾಞ೦ಗಾಡ್, ತಿರೂರು, ಆಲಪ್ಪುಝ, ಎರ್ನಾಕುಲಂ ಮೊದಲಾದಡೆಗಳಿಂದ ಹಲವು ಮಂದಿಯಿಂದ ಇವರು ಹಣ ಪಡೆದು ವಂಚನೆ ನಡೆಸಿರುವುದು ತನಿಖೆಯಿಂದ ಬೆಳಕಿಗೆ ಬಂದಿದೆ.

  ಕೆಲವರಿಂದ ನಾಲ್ಕು ಲಕ್ಷ ರೂಪಾಯಿಗಳಷ್ಟು ಪಡೆದಿರುವುದು ಕಂಡುಬಂದಿದೆ. ಕಾಸರಗೋಡು ಚಕ್ಕರ ಬಜಾರ್ ನ ವ್ಯಾಪಾರಿ ಶಿಹಾಬ್ ಎಂಬವರಿಂದ ಸುಮಾರು 28 ಸಾವಿರ ರೂಪಾಯಿ ಪಡೆದು ವಂಚಿಸಿದ ಬಗ್ಗೆ ಲಭಿಸಿದ ದೂರಿನಂತೆ ಪೊಲೀಸರು ಸೈಬರ್ ಸೆಲ್ ನ ನೆರವಿನೊಂದಿಗೆ ಕಾರ್ಯಾಚರಣೆ ನಡೆಸಿದ್ದರು.