ಕಾಸರಗೋಡು: ಕಳ್ಳತನ ಪ್ರಕರಣದಲ್ಲಿ ತಲೆಮರೆಸಿಕೊಂಡಿದ್ದ ಆರೋಪಿಯ ಬಂಧನ

•   Thu, Mar 30 2023 02:00:45 PM



• ಕಾಸರಗೋಡು, ಮಾ 30 (DaijiworldNews/HR): ಎರಡು ವರ್ಷಗಳ ಹಿಂದೆ 21 ಪವನ್ ಚಿನ್ನಾಭರಣ ಕಳವುಗೈದ ಪ್ರಕರಣಕ್ಕೆ ಸಂಬಂಧ ಪಟ್ಟಂತೆ ತಲೆಮರೆಸಿಕೊಂಡಿದ್ದ ಮಹಿಳೆಯೋರ್ವರನ್ನು ಕುಂಬಳೆ ಪೊಲೀಸರು ಬಂಧಿಸಿದ್ದಾರೆ.

  ಎಡನೀರು ಚೂರಿಮೊಲೆಯ ಅಲಿಮಾ (44) ಬಂಧಿತ ಮಹಿಳೆ. ಮಡಿಕೇರಿ ಸಮೀಪದಿಂದ ಈಕೆಯನ್ನು ಬಂಧಿಸಲಾಗಿದೆ.

  2021ರಲ್ಲಿ ಸೀತಾಂಗೋಳಿ ಮುಗು ರಸ್ತೆಯ ಇಬ್ರಾಹಿಂ ಎಂಬವರ ಮನೆಯಿಂದ ಕಳವು ಮಾಡಲಾಗಿತ್ತು. ಮನೆ ಕೆಲಸಕ್ಕಿದ್ದ ಅಲಿಮಾ ದಿಡೀರ್ ನಾಪತ್ತೆಯಾಗಿದ್ದರು. ಮನೆಯ ಕಪಾಟಿನಲ್ಲಿದ್ದ ಚಿನ್ನಾಭರಣ ನಾಪತ್ತೆಯಾಗಿತ್ತು.

  ಇದರಿಂದ ಮನೆ ಮಾಲಕ ಆಲಿಮಾ ವಿರುದ್ಧ ಕುಂಬಳೆ ಪೊಲೀಸರಿಗೆ ದೂರು ನೀಡಿದ್ದರು.

  ಇನ್ನು ಅಲಿಮಾ ಮಡಿಕೇರಿಯಲ್ಲಿ ತಲೆ ಮರೆಸಿಕೊಂಡಿರುವುದಾಗಿ ಲಭಿಸಿದ ಮಾಹಿತಿಯಂತೆ ಕುಂಬಳೆ ಪೊಲೀಸರು ಈಕೆಯನ್ನು ಬಂಧಿಸಿದ್ದಾರೆ.