ನರಿ ವೇಷದಲ್ಲಿ ಮುಂಬೈ ಬೀದಿ ಸುತ್ತುತ್ತಿದ್ದಾರೆ ನಿರ್ದೇಶಕ ಹೇಮ್ವಂತ್​ ತಿವಾರಿ!

•   Tue, Jul 04 2023 03:46:32 PM



• ಮುಂಬೈ, ಜು 04:(DaijiworldNews/AK): ಮುಂಬೈನ ರಸ್ತೆಗಳಲ್ಲಿ ನರಿ ವೇಷ ಹಾಕಿಕೊಂಡು ಕೈಯಲ್ಲಿ ಒಂದು ಬೋರ್ಡ್​ ಹಿಡಿದುಕೊಂಡು ಬಾಲಿವುಡ್‌ ನಿದೇರ್ಶಕ ಹೇಮಂತ್‌ ತಿವಾರಿ ಎಲ್ಲರ ಗಮನವನ್ನು ಸೆಳೆಯುತ್ತಿದ್ದು, ಇದೀಗ ಅವರ ಪೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ಸದ್ದು ಮಾಡುತ್ತಿದೆ.

  ತಿವಾರಿ ಅವರ‘ಲೋಮಡ್​’ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದ್ದು, ಆಗಸ್ಟ್​ 4ರಂದು ಚಿತ್ರ ಬಿಡುಗಡೆಗೊಳ್ಳಲಿದೆ. ಹೀಗಾಗಿ ಹೊಸ ರೀತಿಯಲ್ಲಿ ಪ್ರಚಾರ ಮಾಡಲು ಚಿತ್ರತಂಡ ಮುಂದಾಗಿದ್ದು, ನಿರ್ದೇಶಕ ಹೇ​ಮಂತ್‌ ತಿವಾರಿ ಅವರು ನರಿ ವೇಷ ಹಾಕಿಕೊಂಡು ಬೀದಿಗೆ ಇಳಿದಿದ್ದಾರೆ.

  ‘ಲೋಮಡ್​’ ಎಂದರೆ ಹಿಂದಿಯಲ್ಲಿ ನರಿ ಎಂದರ್ಥ. ಹಾಗಾಗಿ ಸ್ವತಃ ನಿರ್ದೇಶಕರೇ ನರಿ ವೇಷ ಹಾಕಿಕೊಂಡು ಮುಂಬೈನ ಬೀದಿಯಲ್ಲಿ ಪ್ರಮೋಷನ್​ ಮಾಡುತ್ತಿದ್ದಾರೆ. ಬಾಲಿವುಡ್​ನಲ್ಲಿ ಸಿನಿಮಾ ಪ್ರಮೋಷನ್​ ಮಾಡಬೇಕು ಎಂದರೆ ಲಕ್ಷಾಂತರ ರೂಪಾಯಿ ಬೇಕಾಗುತ್ತದೆ. ಆದರೆ ಅಷ್ಟೆಲ್ಲ ಖರ್ಚು ಮಾಡಲು ‘ಲೋಮಡ್​’ ತಂಡದ ಬಳಿ ಬಜೆಟ್​ ಇಲ್ಲದ ಹಿನ್ನಲ್ಲೆಯಲ್ಲಿ ಅವರು ರಸ್ತೆಗೆ ಇಳಿದು ಫ್ರೋಮಷನ್‌ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ಹಬ್ಬಿದೆ.

  ಈ ಸಿನಿಮಾ ವಿಶೇಷವಾಗಿ ಕಪ್ಪು-ಬಿಳಿ ಬಣ್ಣದಲ್ಲಿ ಮೂಡಿಬಂದಿದ್ದು, ಇದು ಸಿಂಗಲ್​ ಟೇಕ್​ ಸಿನಿಮಾವಾಗಿದೆ. ಅಂದರೆ, ಸಿನಿಮಾದ ಮೊದಲ ದೃಶ್ಯದಿಂದ ಕೊನೇ ದೃಶ್ಯದವರೆಗಿನ ಎಲ್ಲ ದೃಶ್ಯಗಳನ್ನು ಕ್ಯಾಮಾರ ಬಂದ್‌ ಮಾಡದೆ ಒಂದೇ ಟೇಕ್​ನಲ್ಲಿ ಚಿತ್ರಿಸಲಾಗಿದೆ ಎನ್ನುವುದು ವಿಶೇಷ.