ರಣವೀರ್​ ಸಿಂಗ್​-ದೀಪಿಕಾ ಪಡುಕೋಣೆ ಡಿವೋರ್ಸ್​ ವದಂತಿಗೆ ಬಿತ್ತು ಬ್ರೇಕ್‌

•   Mon, Jul 10 2023 07:07:40 PM



• ಮುಂಬೈ, ಜು 10 (DaijiworldNews/AK) ಜುಲೈ 6ರಂದು ಬಾಲಿವುಡ್‌ ನಟ ರಣವೀರ್​ ಸಿಂಗ್​ ಅವರ ಜನ್ಮದಿನ. ಅಭಿಮಾನಿಗಳು, ಆಪ್ತರು ಮತ್ತು ಸೆಲೆಬ್ರಿಟಿಗಳು ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದರು.

  ಆದರೆ ಪತ್ನಿ ದೀಪಿಕಾ ಪಡುಕೋಣೆ ಅವರ ಕಡೆಯಿಂದ ಯಾವುದೇ ಶುಭಾಶಯ ಬಂದಿರಲಿಲ್ಲ. ಇದು ನೋಡುಗರ ಅನುಮಾನಕ್ಕೆ ಕಾರಣ ಆಯಿತು. ಸೋಶಿಯಲ್​ ಮೀಡಿಯಾದಲ್ಲಿ ಪರಸ್ಪರ ವಿಶ್​ ಮಾಡಿಕೊಳ್ಳುತ್ತಿದ್ದ ಈ ದಂಪತಿ ಈಗ ಮೌನವಾಗಿದ್ದು ​ ಏಕೆ ಎಂದು ಅನುಮಾನ ಹುಟ್ಟಿತ್ತು.. ಆದರೆ ಸ್ವಲ್ಪ ಸಮಯದಲ್ಲೇ ಎಲ್ಲರ ಅನುಮಾನಕ್ಕೆ ಉತ್ತರ ಸಿಕ್ಕಿದೆ.

  ಪತಿ ರಣವೀರ್ ಸಿಂಗ್​ ಜನ್ಮದಿನಕ್ಕೆ ಶುಭ ಕೋರಲು ದೀಪಿಕಾ ಪಡುಕೋಣೆ ಮರೆತಿದ್ದರು ಅನಿಸುತ್ತಿದೆ. ಅವರು ಒಂದು ದಿನ ತಡವಾಗಿ, ಅಂದರೆ ಜುಲೈ 7ರ ರಾತ್ರಿ ದೀಪಿಕಾ ಅವರು ಪತಿಗೆ ಹುಟ್ಟುಹಬ್ಬದ ವಿಶ್​ ಮಾಡಿದ್ದಾರೆ. ಅಲ್ಲಿಗೆ ಎಲ್ಲರ ಅನುಮಾನಕ್ಕೆ ತೆರೆ ಬಿದ್ದಿದೆ. ಅದೂ ಸಾಲದೆಂಬಂತೆ ಈಗ ರಣವೀರ್​ ಸಿಂಗ್​ ಕೂಡ ಪತ್ನಿಗೆ ಧನ್ಯವಾದ ತಿಳಿಸುವ ಮೂಲಕ ಎಲ್ಲ ವದಂತಿಗಳಿಗೆ ಬ್ರೇಕ್‌ ಬಿದ್ದಿದೆ.

  ದೀಪಿಕಾ ಪಡುಕೋಣೆ ಜೊತೆ ಖುಷಿಯಾಗಿ ಕಾಲ ಕಳೆದ ಫೋಟೋವನ್ನು ರಣವೀರ್​ ಸಿಂಗ್​ ಅವರು ಶೇರ್​ ಮಾಡಿಕೊಂಡಿದ್ದಾರೆ. ‘ಹುಟ್ಟುಹಬ್ಬದ ಶುಭ ಕೋರಿದ್ದಕ್ಕೆ ಧನ್ಯವಾದಗಳು’ ಎಂಬ ಕ್ಯಾಪ್ಷನ್​ನೊಂದಿಗೆ ಅವರು ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಹೊಸ ಫೋಟೋ ಹಂಚಿಕೊಂಡಿದ್ದಾರೆ. ಒಟ್ಟಿನಲ್ಲಿ ಈ ದಂಪತಿ ನಡುವೆ ಯಾವುದೇ ಕಿರಿಕ್​ ಇಲ್ಲ ಎಂಬುದು ಈ ಮೂಲಕ ಸ್ಪಷ್ಟವಾಗಿದೆ.

  ಸೆಲೆಬ್ರಿಟಿಗಳ ವೈಯಕ್ತಿಕ ಜೀವನದ ಬಗ್ಗೆ ಅನೇಕ ಗಾಸಿಪ್​ಗಳು ಹಬ್ಬುತ್ತ ಇರುತ್ತವೆ. ಅದರಲ್ಲೂ ಲವ್​, ಬ್ರೇಕಪ್​, ಮದುವೆ, ವಿಚ್ಛೇದನದ ವಿಚಾರದಲ್ಲಿ ವದಂತಿಗಳಿಗೆ ಲೆಕ್ಕವೇ ಇಲ್ಲ. ಇತ್ತೀಚೆಗೆ ದೀಪಿಕಾ ಪಡುಕೋಣೆ ಮತ್ತು ರಣವೀರ್​ ಸಿಂಗ್​ ಅವರ ದಾಂಪತ್ಯದ ಬಗ್ಗೆ ಗಾಸಿಪ್​ ಹರಿದಾಡುತ್ತಿತ್ತು. ಈ ದಂಪತಿ ಮಧ್ಯೆ ಎಲ್ಲವೂ ಸರಿಯಿಲ್ಲ , ಆದಷ್ಟು ಬೇಗ ರಣವೀರ್​ ಸಿಂಗ್​ ಮತ್ತು ದೀಪಿಕಾ ಪಡುಕೋಣೆ ಅವರು ಡಿವೋರ್ಸ್​ ಪಡೆಯಬಹುದು ಎಂದೆಲ್ಲ ವದಂತಿ ಹರಡಿಸಲಾಗಿತ್ತು. ಆದರೆ ಆ ವದಂತಿಯನ್ನು ರಣವೀರ್​ ಸಿಂಗ್​ ಅಲ್ಲ ಗಳೆದಿದ್ದಾರೆ. ಪತ್ನಿ ಜೊತೆಗಿನ ಫೋಟೋವನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಅವರು ಸ್ಪಷ್ಟ ಸಂದೇಶ ರವಾನಿಸಿದ್ದಾರೆ.