ತೆರೆಯ ಮೇಲೆ ಲಿಪ್‌ ಲಾಕ್‌ ಮಾಡಿದ ನಟಿ ಕಾಜೋಲ್

•   Mon, Jul 17 2023 06:35:12 PM



• ಮುಂಬೈ, ಜು 17 (DaijiworldNews/AK):ಇದೀಗ ಬಾಲಿವುಡ್‌ ನಟಿ ಕಾಜೋಲ್‌ ತೆರೆಯ ಮೇಲೆ ಲಿಪ್‌ ಲಾಕ್‌ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಬಾರಿ ಸದ್ದು ಮಾಡುತ್ತಿದೆ.

   

  ಈ ಮೂಲಕ ಇದೇ ಮೊದಲ ಬಾರಿಗೆ ಅವರು ‘ನೋ ಕಿಸ್ ಪಾಲಿಸಿ’ ಬ್ರೇಕ್ ಮಾಡಿದ್ದಾರೆ. ಇತ್ತೀಚೆಗೆ ರಿಲೀಸ್ ಆದ ‘ದಿ ಟ್ರಯಲ್’ ವೆಬ್​ ಸೀರಿಸ್​ನಲ್ಲಿ ಕಾಜೋಲ್ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿರೀಸ್​ನಲ್ಲಿ ಅವರು ಸಹ ಕಲಾವಿದರಾದ ಜಿಶು ಸೇನ್​ ಗುಪ್ತಾ ಹಾಗೂ ಅಲಿ ಖಾನ್​ಗೆ ಕಿಸ್​ ಮಾಡಿರುವುದು ಸಾಕಷ್ಟು ಸುದ್ದಿ ಆಗುತ್ತಿದೆ.

  ಅಜಯ್ ದೇವಗನ್ ಪತ್ನಿ, ನಟಿ ಕಾಜೋಲ್ ಅವರು ಸುಮಾರು 31 ವರ್ಷಗಳಿಂದ ಚಿತ್ರರಂಗದಲ್ಲಿ ವಿವಿಧ ರೀತಿಯ ಪಾತ್ರ ಮಾಡಿ ಗಮನ ಸೆಳೆದಿದ್ದಾರೆ. ಅನೇಕ ಹೀರೋಯಿನ್​ಗಳು ತೆರೆಮೇಲೆ ಕಿಸ್ ಮಾಡದೇ ಇರಲು ನಿರ್ಧರಿಸಿದ್ದಾರೆ. ಆ ಸಾಲಿನಲ್ಲಿ ನಟಿ ತಮನ್ನಾ, ಕಾಜೋಲ್ ಕೂಡ ಇದ್ದರು. ‘ದಿ ಲಸ್ಟ್ ಸ್ಟೋರೀಸ್ 2’ ಸೀರಿಸ್​ನಲ್ಲಿ ತಮನ್ನಾ ಕಿಸ್ ಮಾಡಿ ಸುದ್ದಿಯಾಗಿದ್ದರು. ಇದೀಗ ಕಾಜೋಲ್‌ ಸರದಿ.

  ಬೋಲ್ಡ್​ ಕಥಾಹಂದರ ಹೊಂದಿರುವ ಈ ಸಿನಿಮಾದಲ್ಲಿ ಕಥಾ ನಾಯಕಿ (ಕಾಜೋಲ್) ಗೃಹಿಣಿ ಆಗಿರುತ್ತಾಳೆ. ಆಕೆಯ ಗಂಡನನ್ನು (ಜಿಶು) ಸೆಕ್ಸ್ ಹಗರಣದಲ್ಲಿ ಜೈಲಿಗೆ ಹಾಕಲಾಗುತ್ತದೆ. ಆಗ ಆಕೆಯ ಎಕ್ಸ್​ ಬಾಯ್​ಫ್ರೆಂಡ್ ಎಂಟ್ರಿ ಆಗುತ್ತದೆ. ಈ ರೀತಿಯಲ್ಲಿ ಕಥೆ ಮೂಡಿ ಬಂದಿದೆ. ಸದ್ಯ ಈ ವೆಬ್​ ಸೀರಿಸ್​ನಲ್ಲಿ ಬರುವ ಕಿಸ್ಸಿಂಗ್ ಸೀನ್‌ ಬಾರಿ ವೈರಲ್ ಆಗಿದೆ.

  ನಟಿ ಕಾಜೋಲ್‌ ಮೊದಲ ಸಿನಿಮಾ ‘ಬೇಖುದಿ’ ಚಿತ್ರದಲ್ಲಿ ಹಾಗೂ 1994ರಲ್ಲಿ ರಿಲೀಸ್ ಆದ ‘ಯೇ ದಿಲ್ಲಗಿ’ ಚಿತ್ರದಲ್ಲಿ ಅವರು ಕಿಸ್ ಮಾಡಿದ್ದರು. ನಂತರ ಸುಮಾರು 29 ವರ್ಷಗಳ ಬಳಿಕ ಇದೇ ಮೊದಲು ಬೋಲ್ಡ್​ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
  ಬಹು ನಿರೀಕ್ಷಿತ ಲಸ್ಟ್ ಸ್ಟೋರೀಸ್ 2 ಇದೇ 29ರಂದು ನೆಟ್​ಫ್ಲಿಕ್ಸನ ಇಂಡಿಯಾದಲ್ಲಿ ಪ್ರೀಮಿಯರ್ ಆಗಲಿದೆ. ಬೋಲ್ಡ್​ ಕಥಾಹಂದರ ಹೊಂದಿರುವ ಈ ಸಿನಿಮಾ ಬಗ್ಗೆ ಸಿನಿಪ್ರಿಯರು ಕುತೂಹಲ ಇಟ್ಟುಕೊಂಡಿದ್ದಾರೆ.