ಕಂಗನಾ ಅವರ ಅಂದವನ್ನು ಹೊಗಳಿ ಫ್ಲರ್ಟ್ ಮಾಡಿದ ಸಲ್ಮಾನ್ ಖಾನ್!

•   Sun, Oct 22 2023 07:02:44 PM



• ಮುಂಬೈ, ಅ.22(DaijiworldNews/AK):ಬಾಲಿವುಡ್​ನ ಸ್ಟಾರ್ ನಟಿ ಕಂಗನಾ ರಣಾವತ್ ಅವರಿಗೆ ಬಾಲಿವುಡ್​ನಲ್ಲಿ ಬಹುತೇಕರನ್ನು ಕಂಡರೆ ಅಷ್ಟಕಷ್ಟೇ. ಅವರು ಬಹಳಷ್ಟು ಮಂದಿ ಜೊತೆ ಮುನಿಸಿಕೊಂಡಿದ್ದರು. ಕಂಗನಾಗೆ ಸಲ್ಮಾನ್ ಖಾನ್ ನನ್ನು ಕಂಡರು ಆಗುತ್ತೀರಲಿಲ್ಲ. ಆದರೆ ಇತ್ತೀಚೆಗೆ ಅವರು ಸಲ್ಲು ಜೊತೆ ಫ್ರೆಂಡ್​ಶಿಪ್ ಬೆಳೆಸಿಕೊಂಡಿದ್ದಾರೆ. 

  ಕಂಗನಾ ಜೊತೆ ಸಲ್ಮಾನ್ ಖಾನ್ ಫ್ಲರ್ಟ್ ಮಾಡಿದ್ದಾರೆ. ಇದಕ್ಕೆ ನಾಚುತ್ತಲೇ ಉತ್ತರ ನೀಡಿದ್ದಾರೆ ಕಂಗನಾ. ಸದ್ಯ, ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

  ಕಂಗನಾ ರಣಾವತ್ ನಟನೆಯ ಧಾಕಡ್ಸಿನಿಮಾ ರಿಲೀಸ್​ಗೂ ಮೊದಲು ಸಲ್ಮಾನ್ ಖಾನ್ ಅವರು ಈ ಚಿತ್ರವನ್ನು ಬೆಂಬಲಿಸಿದ್ದರು. ಈ ಸಿನಿಮಾ ನೋಡುವಂತೆ ಅವರು ಕೋರಿದ್ದರು. ಇದು ಕಂಗನಾ ಖುಷಿಗೆ ಕಾರಣ ಆಗಿತ್ತು.  ಇದಾದ ಬಳಿಕ ಸಲ್ಮಾನ್ ಖಾನ್ ಹಾಗೂ ಕಂಗನಾ ರಣಾವತ್ ಅವರ ಮಧ್ಯೆ ಗೆಳೆತನ ಮೂಡಿದೆ.

  ಈ ಬಿಗ್ ಬಾಸ್ ಹಿಂದಿ ಸೀಸನ್ ವೇದಿಕೆಗೆ ಕಂಗನಾ ರಣಾವತ್ ಅವರ ಆಗಮನ ಆಗಿದೆ. ಎಲ್ಲರಿಗೂ ನಮಸ್ಕಾರ ಎನ್ನುತ್ತಾ ವೇದಿಕೆಗೆ ಬಂದಿದ್ದಾರೆ ಕಂಗನಾ ರಣಾವತ್. ಅವರ ಹಿಂದೆ ಸಲ್ಮಾನ್ ಖಾನ್ ಕೂಡ ಬಂದಿದ್ದಾರೆ. ಹೇಗಿದ್ದೀರಿ ಎಂದು ಸಲ್ಮಾನ್ ಖಾನ್​ಗೆ ಕಂಗನಾ ಕೇಳಿದ್ದಾರೆ. ‘ನಾನು ಆರಾಮಾಗಿದ್ದೇನೆ’ ಎಂದು ಸಲ್ಮಾನ್ ಖಾನ್ ಉತ್ತರಿಸಿದ್ದಾರೆ. ನಂತರ ಇಬ್ಬರೂ ಪ್ರೀತಿಯಿಂದ ಹಗ್ ಮಾಡಿಕೊಂಡಿದ್ದಾರೆ.

  ಛೇಡಿಸಿದರೆ ಬಿಡಲ್ಲ ಎಂದು ಸಲ್ಲುಗೆ ಕಂಗನಾ ಹೇಳಿದ್ದರೆ. ನಿಮ್ಮ ಗೆಳೆಯನೇ ನಿಮ್ಮ ಜೊತೆ ಫ್ಲರ್ಟ್​ ಮಾಡಿದರೆ ಏನು ಮಾಡುತ್ತೀರಿ’ ಎಂದು ಸಲ್ಮಾನ್ ಖಾನ್ ಅವರು ಪ್ರಶ್ನೆ ಕೇಳುತ್ತಾರೆ. ನಿಮ್ಮಂತೆ ಹುಡುಗ ಹ್ಯಾಂಡ್ಸಮ್ ಆಗಿದ್ದರೆ ಖುಷಿ ಆಗುತ್ತದೆ ಎಂದರು ಕಂಗನಾ.

   ಸಲ್ಮಾನ್ ಖಾನ್ ಅವರು ಕಂಗನಾ ಅಂದವನ್ನು ಹೊಗಳಿದ್ದಾರೆ. ಅಲ್ಲದೆ, ಇಬ್ಬರೂ ಡ್ಯಾನ್ಸ್ ಮಾಡಿ ರಂಜಿಸಿದರು.