ವಿರಾಟ್ ಕೊಹ್ಲಿಗೆ ಮತ್ತೆ ಸಿಗುತ್ತಾ ಟೀಂ ಇಂಡಿಯಾ ನಾಯಕತ್ವದ ಪಟ್ಟ ?

•   Sat, Dec 30 2023 06:20:02 PM



• ಬೆಂಗಳೂರು, ಡಿ 30 (DaijiworldNews/MR): ಭಾರತ ಟೆಸ್ಟ್ ತಂಡಕ್ಕೆ ವಿರಾಟ್ ಕೊಹ್ಲಿ ಮತ್ತೆ ಕ್ಯಾಪ್ಟನ್​​ ಆಗಲಿ ಎಂಬ ಚರ್ಚೆ ಹುಟ್ಟಿಕೊಂಡಿದೆ. ಇದಕ್ಕೆ ಕಾರಣ ಇತ್ತೀಚೆಗೆ ಸೆಂಚೂರಿಯನ್​​ ಇಂಟರ್​ ನ್ಯಾಷನಲ್​ ಸ್ಟೇಡಿಯಮ್​​ನಲ್ಲಿ ಸೌತ್​​ ಆಫ್ರಿಕಾ ವಿರುದ್ಧ ನಡೆದ ಮೊದಲನೇ ಟೆಸ್ಟ್​​ನಲ್ಲಿ ರೋಹಿತ್​​ ಶರ್ಮಾ ನಾಯಕತ್ವದ ಟೀಂ ಇಂಡಿಯಾ ಸೋತಿದ್ದು ಎನ್ನಲಾಗಿದೆ.

  ಕ್ಯಾಪ್ಟನ್​ ರೋಹಿತ್​​ ಶರ್ಮಾ ನೇತೃತ್ವದ ಟೀಂ ಇಂಡಿಯಾ ಸೌತ್​ ಆಫ್ರಿಕಾ ವಿರುದ್ಧ ಹೀನಾಯ ಸೋಲು ಕಂಡಿದೆ. 32 ರನ್​ಗಳಿಂದ ಹೀನಾಯ ಸೋಲು ಕಂಡ ಬೆನ್ನಲ್ಲೇ ಟೀಂ ಇಂಡಿಯಾ ಟೆಸ್ಟ್​ ಕ್ಯಾಪ್ಟನ್ಸಿಗೆ ರಾಜೀನಾಮೆ ನೀಡಿ ಎಂಬ ಮಾತುಗಳು ಕೇಳಿ ಬಂದಿವೆ. ಅದರಲ್ಲೂ ಮತ್ತೆ ಕೊಹ್ಲಿಯೇ ಟೆಸ್ಟ್​ ಟೀಮ್​ ಕ್ಯಾಪ್ಟನ್​ ಆಗಲಿ ಅನ್ನೋ ಅಭಿಪ್ರಾಯ ಅಭಿಮಾನಿಗಳಿಂದ ಕೇಳಿ ಬರುತ್ತಿದೆ.

  ಇನ್ನು, ಟೀಂ ಇಂಡಿಯಾ ಹೀನಾಯ ಸೋಲಿನ ಬೆನ್ನಲ್ಲೇ ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್​​​ ವಿರಾಟ್​​ ಕೊಹ್ಲಿ ಮಾತಾಡಿದ್ದಾರೆ. ನಿಮಗೆ ಇಷ್ಟವಿರಲಿ ಇಲ್ಲದಿರಲಿ. ಟೆಸ್ಟ್​​ ಕ್ರಿಕೆಟ್​​ ಆಡಲೇಬೇಕು. ನೀವು ಟೆಸ್ಟ್ ಕ್ರಿಕೆಟ್‌ನಲ್ಲಿ ವಿಭಿನ್ನ ಆಟ ಆಡಬೇಕು. ಇದು ಕೆಲವು ಗಂಟೆಗಳು, ಒಂದು ದಿನದ ಆಟವಲ್ಲ. ದಿನಗಟ್ಟಲೇ ನಡೆಯೋ ಆಟ ಟೆಸ್ಟ್​ ಕ್ರಿಕೆಟ್​ ಎಂದರು.

  ಟೆಸ್ಟ್ ಕ್ರಿಕೆಟ್ ನಿಜವಾದ ಪರೀಕ್ಷೆ ಒಡ್ಡಲಿದೆ. ನಾವು ಮೊದಲ ಟೆಸ್ಟ್​ನಲ್ಲಿ ಸೋತಿದ್ದೇವೆ. ಸೋಲು, ಗೆಲುವು ಇದ್ದಿದ್ದೇ. ಮುಂದಿನ ಟೆಸ್ಟ್​ ಪಂದ್ಯ ಗೆದ್ದೇ ಗೆಲ್ಲುತ್ತೇವೆ. ಇಡೀ ತಂಡ ಕಠಿಣ ಶ್ರಮ ಹಾಕಿದರೆ ಗೆಲುವು ನಮ್ಮದೇ ಎಂದು ಕೋಹ್ಲಿ ಹೇಳಿದ್ದಾರೆ.