ಉಳ್ಳಾಲ: ನ್ಯೂಯಾರ್ಕ್‌ನಲ್ಲಿ ನಡೆಯುವ ‘ವರ್ಲ್ಡ್‌ ಸೈನ್ಸ್ ಸ್ಕಾಲರ್ ಫೆಸ್ಟಿವಲ್‌ಗೆ ಸಿಂಧೂರ ಆಯ್ಕೆ

•   Wed, Apr 03 2024 06:23:15 PM



• ಉಳ್ಳಾಲ, ಏ 03(DaijiworldNews/AK): 2024ರ ಮೇ, ತಿಂಗಳಲ್ಲಿ ಅಮೇರಿಕಾದ ನ್ಯೂಯಾರ್ಕ್‌‌ನಲ್ಲಿ ಜರಗುವ ವರ್ಲ್ಡ್‌ ಸೈನ್ಸ್ ಸ್ಕಾಲರ್ ಕಾರ್ಯಕ್ರಮಕ್ಕೆ ಉಳ್ಳಾಲದ ಮೊಗವೀರ ಸಮಾಜದ ಬಾಲಕಿ ಸಿಂಧೂರ (15) ,  ಆಯ್ಕೆ ಆಗಿದ್ದರೆ. ಮುಂದಿನ ತಿಂಗಳು ಮಗಳು ಭಾಗಿಯಾಗಲಿದ್ದಾರೆ ಎಂದು ಬಾಲಕಿಯ ತಾಯಿ ಶಿಬಾನಿ ರಾಜಾ ಹೇಳಿದರು.

  ಸುದ್ಧಿಗೋಷ್ಠಿಯಲ್ಲಿ ಮಾತನಾಡಿ, ನ್ಯೂಯಾರ್ಕ್ ನಲ್ಲಿ ನಡೆಯುವ ವರ್ಲ್ಡ್ ಸೈನ್ಸ್ ಸ್ಕಾಲರ್ ಅನ್ನುವ ಕಾರ್ಯಕ್ರಮಕ್ಕೆ ಹಾಜರಾಗಲು ಹಲವು ಪ್ರಬಂಧ ಮಂಡಿಸಲು ಹೇಳಿದ್ದರು. ಆ ಪ್ರಬಂಧಗಳ ಆಧಾರದಂತೆ ಸಂದರ್ಶನ ನಡೆಸುತ್ತಾರೆ. ಆನಂತರ ಮತ್ತೆ ವಿಜ್ಞಾನ , ಗಣಿತ ವಿಷಯಗಳ ಪ್ರಬಂಧ ಮಂಡಿಸಿದ ನಂತರ ವಲ್ಡ್ ಸೈನ್ಸ್ ಸ್ಕಾಲರ್ ಆಗಿ ಆಯ್ಕೆಯಾಗಿ, ಕಾರ್ಯಕ್ರಮದಲ್ಲಿ ಭಾಗವಹಿಸಲು ಆಹ್ವಾನ ಬಂದಿದೆ ಎಂದರು.

  ಕಾರ್ಯಕ್ರಮಕ್ಕೆ 22 ದೇಶಗಳಿಂದ 55 ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಿದ್ದು, ಅದರಲ್ಲಿ ಸಿಂಧೂರ ಸಹ ಒಬ್ಬರಾಗಿದ್ದಾಳೆ. ಉಳ್ಳಾಲದ ಮೊಗವೀರ ಮುಖಂಡ ಬಾಬು ಬಂಗೇರ ಹಾಗೂ ಶಶಿಕಾಂತಿ ಅವರ ಮೊಮ್ಮಗಳಾಗಿರುವ ಸಿಂಧೂರ ಬೆಂಗಳೂರಿನ ನ್ಯೂ ಅರೈಸಿಂಗ್ ಪಬ್ಲಿಕ್ ಶಾಲೆಯ 10ನೇ ತರಗತಿ ವಿದ್ಯಾರ್ಥಿನಿ. ಇಳಿ ವಯಸ್ಸಿನಿಂದಲೇ ಟಿ.ವಿ ನೋಡುವುದು ಕಡಿಮೆ, ಚಿತ್ರಕಲೆ ಹಾಗೂ ಪಠ್ಯೇತರ ಚಟುವಟಿಕೆಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಂಡಿದ್ದಳು.

  ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ವಿಚಾರದ ಕುರಿತು ಆಸಕ್ತಿ ಹೊಂದಿದ್ದ ಸಿಂಧೂರ ಕೊರೊನಾ ಸಂದರ್ಭ ಯೂಟ್ಯೂಬ್, ಸಾಮಾಜಿಕ ಜಾಲತಾಣಗಳ , ಶಿಕ್ಷಕರ ಮೂಲಕ ಶಿಕ್ಷಣ ಪಡೆಯುತ್ತಾ ಹೋದಂತೆ ಆಸಕ್ತಿ ಇನ್ನಷ್ಟು ಹೆಚ್ಚಾಗಿಸಿದ್ದಳು. ಮಾನವ ಜನಾಂಗಕ್ಕೆ ಉಪಯುಕ್ತವಾಗುವ ವಿಜ್ಞಾನ ಸಂಶೋಧನೆ ಪ್ರಾಜೆಕ್ಟ್ ವರದಿಯನ್ನು ಸಲ್ಲಿಸಿದ್ದ ಈಕೆ ಸದ್ಯ ವೈದ್ಯಕೀಯ ಜಗತ್ತಿನಲ್ಲಿ ದೇಹದಲ್ಲಿರುವ ಗೆಡ್ಡೆಗಳು ಯಾವುದು ಅನ್ನುವುದು ಪತ್ತೆಹಚ್ಚುವುದರ ಒಳಗೆ ಬೇರೆ ಹಂತವನ್ನು ದಾಟಿರುತ್ತೇವೆ. ಅದಕ್ಕಾಗಿ ಸಾಧ್ಯವಾದಷ್ಟು ಬೇಗ ಪತ್ತೆಹಚ್ಚಿದಲ್ಲಿ ರೋಗಿ ಗುಣಮುಖರಾಗುವ ಸಾಧ್ಯತೆಗಳು ತುಂಬಾ ಜಾಸ್ತಿಯಿರುವುದು. ಈ ನಿಟ್ಟಿನಲ್ಲಿ ರೇಡಿಯಾ ಅನ್ನುವ ಪ್ರಾಜೆಕ್ಟ್ ಸಂಶೋಧಿಸುವ ಮೂಲಕ ಗೆಡ್ಡೆಯ ಕುರಿತು ಶೀಘ್ರ ಮಾಹಿತಿಯನ್ನು ಸಂಗ್ರಹಿಸುತ್ತದೆ. ಈ ಪ್ರಬಂಧ ಮಂಡಿಸಿದ ಹಿನ್ನೆಲೆಯಲ್ಲಿ ಪುರಸ್ಕಾರ ದೊರೆತಿದೆ.

  ಮೆದುಳಿಗೆ ರಕ್ತಪ್ರವಾಹದ ಕೊರತೆಯಿಂದ ಅಲ್ಝೆಮರ್ ಕಾಯಿಲೆಗೆ ವಯಸ್ಕರು ತುತ್ತಾಗುತ್ತಾರೆ. ಅದಕ್ಕಾಗಿ ಏಐ ಮಾಡೆಲ್ ಸಿದ್ಧಗೊಳಿಸಿರುವ ಸಿಂಧೂರ, ಮನುಷ್ಯನಿಗೆ ಎಷ್ಟು ಪ್ರಾಯದಲ್ಲಿ ಡಿಮೆನ್ಷಿಯಾ ಬರುವ ಸಾಧ್ಯತೆಗಳಿವೆ , ಬರುವುದೋ ಇಲ್ಲವೋ? ಅದನ್ನು ತಡೆಹಿಡಿಯಲು, ನಿಯಂತ್ರಿಸಲು ವ್ಯಾಯಾಮಗಳನ್ನು ನಡೆಸಬಹುದು ಅನ್ನುವ ವಾಸ್ತವವನ್ನು ಹೇಳುವ ಸಂಶೋಧನೆಗೆ ಯುರೋಪ್ ನ ಪ್ರೇಗ್ ನಿಂದ ಮೊದಲ ಸ್ಥಾನ ಪಡೆದುಕೊಂಡಿದ್ದಾರೆ.

  ಪೀಪಲ್ಸ್ ಚಾಯ್ಸ್ ಪುರಸ್ಕಾರ, ವಯಸ್ಕರಿಗೆ ಕೈಗಳು ನಡುಗಿದರೂ, ತಿನ್ನುವ ಸಂದರ್ಭ ಚಮಚ ಅಲುಗಾಡದಂತೆ ಉಳಿಸುವ ರಿಸ್ಟ್ ಬ್ಯಾಂಡ್ ಸಾಧನವನ್ನು ಸಿದ್ಧಪಡಿಸಿದ ಸಿಂಧೂರ ಸಾಧನೆಗೆ ದೆಹಲಿಯಿಂದ ರಾಷ್ಟಮಟ್ಟದ ರಿಸ್ಟ್ ಬ್ಯಾಂಡ್ ಪುರಸ್ಕಾರ ದೊರೆತಿದ್ದು, + ಎ.6 ರಂದು ದೆಹಲಿಗೆ ಭೇಟಿ ನೀಡಿ ದ್ವಿತೀಯ ಸುತ್ತಿನಲ್ಲಿ ಭಾಗಿಯಾಗಲಿದ್ದೇವೆ ಎಂದರು.

  ವಿದ್ಯಾರ್ಥಿನಿ ಸಿಂಧೂರ ಮಾತನಾಡಿ, ಹಿರಿಯರ ಹಾಗೂ ಹೆತ್ತವರ ಮಾರ್ಗದರ್ಶನದಿಂದ ಯಶಸ್ಸು ಸಾಧ್ಯವಾಗಿದೆ. ಕೊರೊನಾ ಸಂದರ್ಭ ಡಯಾಗ್ನಾಸ್ ಆಗುವ ಬಗೆ, ಚಿಕಿತ್ಸೆ , ಎಕ್ಯುರೇಟ್ ಡಯಾಗ್ನಾಸಿಸ್ ಆಗ್ತಾ ಇಲ್ಲ ಅನ್ನುವುದು ಬೇಸರ ತಂದಿತ್ತು. ಈ ಕುರಿತು ಆಳವಾಗಿ ಅಧ್ಯಯನ ನಡೆಸಿದ ಹಿನ್ನೆಲೆಯಲ್ಲಿ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ವಿಚಾರ ತಿಳಿದು ಯಶಸ್ಸು ಸಾಧ್ಯವಾಗಿದೆ, ಭವಿಷ್ಯದಲ್ಲಿಯೂ ವಿಜ್ಞಾನಿಯಾಗುವ ಕನಸು ಹೊಂದಿದ್ದು, ಹುಟ್ಟಿ ಬೆಳದ ಉಳ್ಳಾಲವನ್ನು ಮರೆಯದೇ ದೇಶದ ತಾಂತ್ರಿಕತೆ ಹಾಗೂ ವೈಜ್ಞಾನಿಕತೆಯ ಬಹುತೇಕ ಸವಾಲುಗಳಿಗೆ ಉತ್ತರವಾಗಲು ಪ್ರಯತ್ನಿಸುವೆನು ಎಂದರು.

  ಈ ಸಂದರ್ಭ ತಂದೆ ರಾಜಾ ದಯಾಳನ್, ಬಾಬು ಬಂಗೇರ, ಶಶಿಕಾಂತಿ ಉಳ್ಳಾಲ್ ಉಪಸ್ಥಿತರಿದ್ದರು.

  ಉಳ್ಳಾಲದ ಬಹುಮುಖ ಪ್ರತಿಭೆ ಸಿಂಧೂರ. 15ನೇ ವರ್ಷದಲ್ಲಿ ಕರಾಟೆಯಲ್ಲಿ ಬ್ಲಾಕ್‌  ಬೆಲ್ಟ್ ಆಗಿದ್ದುಕೊಂಡು, ವೈಜ್ಞಾನಿಕ ಜಗತ್ತಿನಲ್ಲಿ ಮಹತ್ತರ ಸಾಧನೆಗೈದಾಕೆ.ಯುರೋಪ್ ನ ಪ್ರೇಗ್‌ನಲ್ಲಿ ವರ್ಚ್ಯುವಲ್ ಮುಖೇನ ಪ್ರಬಂಧ ಮಂಡಿಸುವ ಸಂದರ್ಭ ಅಲ್ಲಿದ್ದಂತಹ ಖ್ಯಾತ ವಿಜ್ಞಾನಿ ಜೆಕ್ರಿ ರಿಪಬ್ಲಿಕ್ ತನ್ನ ವಯಸ್ಸಿನಲ್ಲಿ, ತನ್ನ ಸಾಧನೆಗಳನ್ನೇ ಪ್ರಶ್ನಿಸಿ, ಸಿಂಧೂರಳನ್ನು ಹೊಗಳಿದ್ದರು. ನಾಸಾ ಕೂಡಾ ಒಂದು ಸಂಖ್ಯೆ ಕೊಟ್ಟಿರುವುದು ಬಹುದೊಡ್ಡ ಸಾಧನೆ. ಈಕೆ ಮಾಡಿರುವ ಸಾಧನೆ ದೇಶಕ್ಕೆ ಸಂದ ಗೌರವವಾಗಿದೆ.